ALTHO’ my back be at the wa’, And tho’ he be the fautor; Altho’ my back be at the wa’, Yet, here’s his health in water. O wae gae by his wanton sides, Sae brawlie’s he could flatter; Till for his sake I’m slighted sair, And dree the kintra clatter: But tho’ my back be at the wa’, And tho’ he be the fautor; But tho’ my back be at the wa’, Yet here’s his health in water!
Public domain. Source: PoetryDB. Reproduced verbatim; see theanthology for the full collection.